अतिक्रमित फिर्के खोलालाई प्राकृतिक बहावमा ल्याइँदै

पोखरा महानगरपालिकाले फिर्के खोलाको सार्वजनिक जमिन अतिक्रमण गरी बनाइएका संरचना हटाउन डोजर चलाउन सुरु गरेको छ । महानगरले ३५ दिनको समयसीमा दिएपछि शनिबार सकिएसँगै आइतबारदेखि अभियानका रूपमा तीन ठाउँबाट खोलाघर खाली गर्ने कार्य सुरु गरिएको हो । महानगर प्रमुख धनराज आचार्यले जिरोकिमी नजिक फिर्केपुलबाट अभियानको औपचारिक सुरुआत गर्नेछन् ।