धनुषाको प्राथमिक विद्यालयलाई एनआईसी एसिया बैंकको सहयोग

एनआईसी एसिया बैंकले आफ्नो संस्थागत सामाजिक उत्तरदायित्वअन्तर्गत धनुषाको महेन्द्रनगरस्थित श्री दुधमती राष्ट्रिय प्राथमिक विद्यालयलाई विभिन्न शैक्षिक सामग्री सहयोग गरेको छ । बैंकका जनकपुर सर्कलका प्रमुख उत्सुकराज श्रेष्ठले विद्यालयकी प्रधानाध्यापक ममता पण्डितलाई झोला तथा अन्य शैक्षिक सामग्री हस्तान्तरण गरेका हुन् । यस सहयोगले विद्यार्थीहरूको पठनपाठनमा सहजता आउने र गुणस्तरीय शैक्षिक वातावरण सिर्जनामा सहयोग पुग्ने बैंकले विश्वास लिएको छ ।