वार्ता चलिरहेको बेला इरानमाथि अमेरिकी हमला

कतारको राजधानी दोहामा दुई देशबीच जारी युद्ध अन्त्यका लागि निर्णायक कूटनीतिक संवाद चलिरहेकै बेला अमेरिकाले इरानमाथि फेरि ठूलो सैन्य प्रहार गरेको छ। अमेरिकी सेन्ट्रल कमान्डका प्रवक्ता टिम हकिन्सका अनुसार मंगलबार बिहान दक्षिणी इरानमा रहेका मिसाइल प्रक्षेपण केन्द्र र समुद्रमा बम बिछ्याउन सक्रिय डुंगाहरूलाई लक्षित गरी हवाइ आक्रमण गरिएको हो। यो आक्रमणका बाबजुद कतारमा जारी वार्ता सकारात्मक दिशातर्फ उन्मुख रहेको संकेतहरू मिलेका छन्।