लुम्बिनी प्रदेश मन्त्रिपरिषद् बैठक : आगामी वर्षको नीति तथा कार्यक्रम स्वीकृत

लुम्बिनी प्रदेश सरकार मन्त्रिपरिषद्को बैठकले आगामी आर्थिक वर्ष २०८३-०८४ को वार्षिक नीति तथा कार्यक्रम स्वीकृत गरेको छ । मुख्यमन्त्री चेतनारायण आचार्यको अध्यक्षतामा बसेको बैठकले आगामी जेठ ११ गते प्रदेश सभामा नीति तथा कार्यक्रम प्रस्तुत गर्ने तयारी गरेको छ । बैठकले निता पोख्रेल अर्याललाई युवा तथा खेलकुद मन्त्रालयको सचिव र इञ्जिनियर छविराज पोख्रेललाई प्रदेश पूर्वाधार विकास प्राधिकरणको प्रमुख कार्यकारी अधिकृतमा नियुक्त गर्ने निर्णय गरेको छ ।