दुहबीमा हावाहुरीले उडाएको जस्तापाताले मोटरसाइकलमा ठोक्किँदा युवकको मृत्यु

सुनसरीको दुहबीमा हावाहुरीका कारण उडेर आएको जस्तापाता मोटरसाइकलमा ठोक्किँदा एक युवकको मृत्यु भएको छ । मंगलबार राति करिब १० बजे दुहबी नगरपालिका–४ मलहटीस्थित भित्री सडकखण्डमा को २९ प ८५४६ नम्बरको मोटरसाइकलमा जस्तापाता ठोक्किएपछि चालक २८ वर्षीय मोहम्मद जाहिद गम्भीर घाइते भएका थिए । उपचारका लागि अस्पताल पुर्याउँदा चिकित्सकले उनलाई मृत घोषणा गरेका थिए ।