प्रस्तावित प्रधानन्यायाधीश शर्माको संसदीय सुनुवाइ 'फास्ट ट्र्याक'मा गर्ने तयारी, विपक्षीको विरोध

प्रधानन्यायाधीशमा सिफारिस डा. मनोजकुमार शर्मामाथि संसदीय सुनुवाइ प्रक्रिया शुरू भएको छ । समितिको तयारी अनुसार सुनुवाइ प्रक्रियालाई फास्ट ट्र्याकमा गर्ने योजना छ । उनीमाथि परेका १६ वटा उजुरीको विवरण सदस्यहरूलाई वितरण गरिएको छ । विपक्षी दलहरूले भने प्रस्तावित प्रधानन्यायाधीश शर्माको संसदीय सुनुवाइमा हतारो नगर्न सुझाव दिएका छन् ।