इन्दुशङ्कर चिनी उद्योगद्वारा उखु किसानलाई दुई अर्ब भुक्तानी

सर्लाहीको हरिवनस्थित इन्दुशङ्कर चिनी उद्योगले उखु क्रसिङ सिजन २०८२/८३ मा किसानबाट खरिद गरेको उखुको सम्पूर्ण भुक्तानी गरेको छ । उद्योगले यो वर्ष किसानबाट खरिद गरेको उखुको दुई अर्व दुई करोड १८ लाख ६४ हजार १६९ रुपियाँ भुक्तानी गरेको छ । सरकारले निर्धारण गरेको मुल्य अनुसार किसानलाई प्रतिक्विन्टल ६२० रुपियाँका दरले सम्पूर्ण किसानको भुक्तानी गरेर सकिएको उद्योगले जनाएको छ ।