सर्लाही

सर्लाहीको पर्सा गाउँपालिका–१ नजिक नेपाल–भारत सीमास्थित दशगजा क्षेत्रमा एक पुरुष मृत फेला परेका छन्। प्रहरीले मृतकको हातमा ‘जगन राउत’ लेखिएको बाला फेला पारेको छ र घटनाको विस्तृत अनुसन्धान गरिरहेको छ।

मधेश प्रदेशमा बैंक तथा वित्तीय संस्थाहरूको कुल निक्षेप २०.९० प्रतिशतले वृद्धि भई ४ खर्ब २७ अर्ब २७ करोड रूपैयाँ पुगेको छ । सोही अवधिमा कर्जा प्रवाह २.१७ प्रतिशतले बढेर ५ खर्ब ७ करोड रूपैयाँ पुगेको छ । निक्षेप परिचालन र कर्जा प्रवाहको आँकडालाई तुलना गर्दा अन्य प्रदेशहरूमा संकलन भएको वित्तीय स्रोत मधेश प्रदेशमा स्थानान्तरण भई त्यसको उपयोग भएको देखिएको छ ।

सर्लाही प्रहरीले अवैध भरुवा बन्दुकसहित बुद्धिमान घलानलाई पक्राउ गरेको छ। बरहथवा नगरपालिका–१२ लौकट टोलमा हतियारसहित हिँडडुल गरिरहेको सूचनाको आधारमा प्रहरीले घलानलाई नियन्त्रणमा लिएको हो। फरार अन्य व्यक्तिको खोजी कार्य जारी रहेको प्रहरीले जनाएको छ।

सर्लाही जिल्लाको चुरे क्षेत्रमा पर्ने ग्रामीण बस्तीहरू वन्यजन्तुको बढ्दो आतंक, आधारभूत सेवा-सुविधाको अभाव, कृषि उत्पादनमा असुरक्षा तथा रोजगारीको कमीका कारण तीव्र रूपमा खाली हुन थालेका छन् । लालबन्दी नगरपालिकाका अनुसार स्थानीयवासी आफ्नै जन्मथलो छाडेर बजार तथा सुविधा सम्पन्न क्षेत्रमा बसाइँ सर्न बाध्य भएका छन् ।

मधेश प्रदेशका गृहमन्त्री फकिरा महतोले सर्लाही जिल्ला अदालत र कारागारको अनुगमन गरेका छन्। अनुगमनका क्रममा उनले अदालतको सेवा प्रवाह, प्रशासनिक अवस्था, भौतिक पूर्वाधार र कारागारको सुरक्षा व्यवस्थाबारे जानकारी लिएका हुन्। मन्त्री महतोले न्यायिक सेवा नागरिकमैत्री र प्रभावकारी हुनुपर्नेमा जोड दिँदै प्रदेश सरकारले अदालत तथा कारागार सुधारलाई प्राथमिकतामा राखेको बताए।

सर्लाहीको लालबन्दी नगरपालिका-१२ जियाजोरमा लायन्स क्लब अफ मधेश ईश्वरपुर हेल्पिङ ह्याण्ड, श्री कालीध्वज गण पाँचकुमारी ब्यारेक, लालबन्दी मोडल हस्पिटल र लायन्स क्लब अफ लालबन्दी सिटीको संयुक्त आयोजनामा एक दिने निःशुल्क स्वास्थ्य शिविर सम्पन्न भएको छ। शिविरमा ३१७ जनाले विभिन्न रोगको परीक्षण र उपचार सेवा प्राप्त गरेका छन्।

उपसभामुख रुबीकुमारी ठाकुरले मधेसमा व्याप्त दाइजो प्रथा र बालविवाहविरुद्ध निरन्तर लडिरहने प्रतिबद्धता व्यक्त गरेकी छन्। सर्लाहीमा आयोजित एक कार्यक्रममा बोल्दै उनले बालविवाह र दाइजो प्रथा मधेसबाट मात्र नभई देशभरबाट अन्त्य हुनुपर्नेमा जोड दिइन्। उनले छोरीलाई बोझ मान्ने लैङ्गिक विभेदका कारण बालविवाह हुने गरेको उल्लेख गर्दै मधेस समाजले छोरीलाई सम्मान गर्नुपर्ने बताइन्।

उपसभामुख रुवीकुमारी ठाकुरले मधेसमा व्याप्त दाइजो प्रथा र बालविवाहविरुद्ध निरन्तर लडिरहने प्रतिबद्धता व्यक्त गरेकी छन्। सर्लाहीको चन्द्रनगर गाउँपालिकामा आयोजित कार्यक्रममा बोल्दै उनले बालविवाह र दाइजो प्रथा देशबाटै उन्मूलन हुनुपर्ने बताइन्। छोरीलाई बोझ मान्ने लैङ्गिक विभेदका कारण बालविवाह हुने गरेको भन्दै उनले मधेसले छोरीलाई सम्मान गर्न सिक्नुपर्ने उल्लेख गरिन्।

उपसभामुख रुवीकुमारी ठाकुरले दाइजो प्रथा र बालविवाहजस्ता सामाजिक विकृतिविरुद्ध अन्तिम समयसम्म संघर्ष जारी राख्ने प्रतिबद्धता व्यक्त गरेकी छन्। सर्लाहीको चन्द्रनगर गाउँपालिकामा आयोजित कार्यक्रममा बोल्दै उनले समाजमा लैंगीक समानता कायम नगरेसम्म दाइजो प्रथाको अन्त्य सम्भव नहुने बताइन्। उनले विशेष गरी मधेश क्षेत्रमा दाइजोका कारण महिलामाथि हिंसा र विभेद बढिरहेको उल्लेख गरिन्।

सर्लाहीको वाग्मती नदीमा पौडी खेल्ने क्रममा बेपत्ता भएका पाँच युवामध्ये दुई जनाको शव फेला परेको छ भने तीन जना सकुशल भेटिएका छन्। शनिबार दिउँसो रौतहट र सिन्धुलीको सिमानामा पर्ने झपडी झोलुंगे पुलमुनिबाट नदी तर्ने क्रममा उनीहरू बेपत्ता भएका थिए।