अमृतबहादुर राई

प्रधानमन्त्री बालेन शाहले नेपालस्थित युरोपेली संघ (ईयू) मा आबद्ध देशका गैरआवासीय राजदूत तथा मिसन प्रमुखहरूसँग सिंहदरबारमा सामूहिक भेटवार्ता गरेका छन्। यस भेटमा नेपालको वर्तमान प्राथमिकता, द्विपक्षीय सम्बन्ध सुदृढ तुल्याउने र सहकार्यका विविध विषयमा छलफल केन्द्रित रहेको प्रधानमन्त्रीको सचिवालयले जनाएको छ।

नेपाल सरकारले नेपाल र चीनलाई जोड्ने 'चिलिमे-केरुङ' विद्युत् प्रसारणलाइन आयोजना कार्यान्वयनका लागि चीन सरकारलाई प्रतिउत्तर पत्र स्वीकृत गरी पठाउने निर्णय गरेको छ। प्रधानमन्त्री पुष्पकमल दाहाल 'प्रचण्ड'को चीन भ्रमणका क्रममा भएको सहमति अनुसार यो प्रसारणलाइन निर्माणले नेपालको बिजुली चीन निर्यात गर्ने बाटो खोल्ने अपेक्षा गरिएको छ।

परराष्ट्रमन्त्री शिशिर खनालले नेपालको परराष्ट्र नीतिलाई बदलिँदो विश्व परिवेशअनुसार परिमार्जन गर्दै आर्थिक कूटनीतिलाई प्राथमिक केन्द्रमा राख्नुपर्ने बताएका छन्। उनले परराष्ट्र मन्त्रालय र विदेशस्थित नेपाली नियोगहरूलाई परिणाममुखी र कार्यसम्पादनमा आधारित संरचनाका रूपमा विकास गर्नुपर्ने उल्लेख गरे। मन्त्री खनालका अनुसार अबको कूटनीतिक प्राथमिकता वैदेशिक प्रत्यक्ष लगानी आकर्षित गर्ने, पर्यटन प्रवर्द्धन गर्ने, प्रविधि हस्तान्तरण विस्तार गर्ने तथा अन्तर्राष्ट्रिय बजार पहुँच वृद्धि गर्ने दिशामा केन्द्रित हुनुपर्छ।

परराष्ट्रमन्त्री शिशिर खनाल र परराष्ट्र सचिव अमृतबहादुर राईले नेपालको परराष्ट्र नीतिलाई बदलिँदो विश्व परिवेशअनुसार आर्थिक समृद्धि, सुशासन र राष्ट्रिय हितसँग जोड्दै आर्थिक कूटनीतिलाई प्रमुख प्राथमिकता दिनुपर्नेमा जोड दिएका छन्। दुवै अधिकारीले परराष्ट्र सेवालाई केवल औपचारिक कूटनीतिक सम्बन्धमा सीमित नराखी देशको आर्थिक विकास, लगानी प्रवद्र्धन, पर्यटन विस्तार र अन्तर्राष्ट्रिय साझेदारी सुदृढ गर्ने महत्वपूर्ण माध्यमका रूपमा विकास गर्नुपर्ने बताएका छन्।

चीनको तिब्बतस्थित ह्लासामा रहेको नेपाली महावाणिज्य दूतावासमा नेपाली राजकुमारी भृकुटीको प्रतिमा अनावरण गरिएको छ । महावाणिज्यदूत लक्ष्मी निरौलाको पहलमा जेभी फाउन्डेसनको सौजन्यमा उक्त प्रतिमा स्थापना गरिएको हो । यसैगरी, पूर्व महावाणिज्यदूत वासुदेव शर्मा 'तुफान'ले दूतावास परिसरमा लक्ष्मीप्रसाद देवकोटाको मूर्ति स्थापना गरेको पनि बताइएको छ ।

नेपाल र चीनबीचको परियोजना सम्बन्धी सहजीकरण संयन्त्रको तेस्रो बैठक आगामी जुन २०२६ मा नेपालमा बस्ने भएको छ । बैठकमा नेपाली पक्षको नेतृत्व परराष्ट्र सचिव अमृतबहादुर राईले गर्नेछन् भने चिनियाँ पक्षबाट नेपालका लागि चिनियाँ राजदूतले सह–अध्यक्षता गर्नेछन् । बैठकमा चीन सरकारको सहयोगमा नेपालमा सञ्चालित विभिन्न विकास परियोजनाहरूको प्रगतिको समीक्षा गरिनुका साथै तिनको प्रभावकारी कार्यान्वयनका विषयमा छलफल हुनेछ ।