युरोपेली संघ

राष्ट्रिय स्वतन्त्र पार्टीका सांसद गणेश पराजुलीले नेपाल र रोमानियाबीच व्यापार, लगानी, पर्यटन र श्रम सहकार्य विस्तारको ठूलो सम्भावना रहेको बताएका छन्। काठमाडौंमा आयोजित नेपाल–रोमानिया व्यापार मञ्चको कार्यक्रममा बोल्दै उनले नेपालले उच्च गुणस्तरका गार्मेन्ट, हस्तकला, जडीबुटी, कृषि उत्पादन र सूचना प्रविधि सेवा उपलब्ध गराउन सक्ने तथा रोमानियाली लगानीकर्ताहरूलाई पूर्वाधार, जलविद्युत, पर्यटन, सूचना प्रविधि र उत्पादन क्षेत्रमा लगानी गर्न आह्वान गरे। उनले रोमानियालाई युरोपेली संघको प्रवेशद्वारका रूपमा उल्लेख गर्दै बजार पहुँच, प्रविधि हस्तान्तरण र औद्योगिक सहकार्यका लागि महत्वपूर्ण अवसर रहेको धारणा राखे।

युरोपेली संघ (ईयू) आबद्ध करिब २० देशका गैह्रआवासीय राजदूत तथा मिसन प्रमुखहरूले नेपालको पछिल्लो राजनीतिक, आर्थिक र सामाजिक अवस्था तथा विकासमा ईयूले गरेको सहयोगबारे छलफल गर्न काठमाडौंको भ्रमण गरेका छन्। नेपालका लागि ईयूकी राजदूत भेरोनिक लोरेन्जोको संयोजनमा भएको यस भ्रमणको उद्देश्य नेपालसँगको सम्बन्ध सुदृढ पार्नु र सहकार्यका नयाँ क्षेत्रहरू खोज्नु हो।

सरकारले नागरिक उड्डयन क्षेत्रलाई युरोपेली संघ (ईयू)को हवाई सुरक्षा सूचीबाट बाहिर ल्याई थप सुरक्षित र व्यावसायिक बनाउन काम गरिरहेको पर्यटन तथा नागरिक उड्डयनमन्त्री खडकराज पौडेलले नेपालका लागि ईयूका राजदूत भेरोनिक लोरेन्जो र नयाँ दिल्लीस्थित ईयूका सदस्य राष्ट्रका राजदूतसँगको भेटमा बताएका छन्। ईयूले नेपाललाई १२ वर्षदेखि हवाई सुरक्षा सूचीमा राखेको छ, जसले गर्दा नेपाली वायुसेवा कम्पनीले ईयू सदस्य राष्ट्रमा उडान गर्न पाएका छैनन्।

प्रधानमन्त्री बालेन्द्र शाहले युरोपेली संघ (ईयू) मा आबद्ध देशका राजदूतहरूसँगको भेटमा नेपाली नागरिकको दैनिक जीवनस्तर उकास्ने र सुशासन कायम गर्ने सरकारको प्रतिबद्धता दोहोर्‍याएका छन्। उनले नयाँ सरकार गठन भए पनि नीतिगत निरन्तरता रहने, लोकतान्त्रिक मूल्यमान्यताको संरक्षण र राजनीतिक स्थिरता कायम गरिने स्पष्ट पारे। प्रधानमन्त्रीले नेपालले सन्तुलित र व्यावहारिक विदेश नीति अवलम्बन गर्ने तथा व्यापार, लगानी, हरित ऊर्जा, जलवायु र पर्यटनजस्ता क्षेत्रमा सहकार्य सुदृढ गरिने बताए।

सरकारका प्रवक्ता सस्मित पोखरेलले प्रधानमन्त्री बालेन शाहले आवश्यकता अनुसार मात्र सम्बोधन गर्ने बताएका छन्। गणतन्त्र दिवसमा प्रधानमन्त्रीको सम्बोधन नहुने विषयमा मन्त्रिपरिषद्मा कुनै छलफल नभएको र सरकार आगामी बजेट निर्माण तथा पहिलो १०० दिनको कार्ययोजना कार्यान्वयनमा केन्द्रित रहेको उनले स्पष्ट पारे।

नेपालका लागि युरोपेली संघ (ईयू)की राजदूत भेरोनिक लोरेन्जोले नेपालको हवाई सुरक्षा सुधार अपेक्षित गतिमा नभएको र ईयूको एयर सेफ्टी सूचीबाट बाहिर निस्कन थप प्रयास आवश्यक रहेको बताएकी छिन्। उनले सेवा प्रवाह र नियामक निकायका कार्यहरू छुट्याउने तयारीलाई सकारात्मक भन्दै यसले स्वार्थको द्वन्द्व कम गर्न सहयोग पुग्ने धारणा व्यक्त गरिन्।

प्रधानमन्त्री बालेन्द्र शाहले युरोपेली संघ (ईयू) मा आबद्ध २३ देशका राजदूत तथा कूटनीतिक प्रतिनिधिहरूसँग मंगलबार काठमाडौंमा सामूहिक शिष्टाचार भेटवार्ता गरेका छन्। यस भेटमा नेपालको वर्तमान प्राथमिकता, द्विपक्षीय सम्बन्ध सुदृढीकरण र सहकार्यका विविध विषयमा छलफल केन्द्रित भएको थियो।

प्रधानमन्त्री बालेन शाहले नेपालस्थित युरोपेली संघ (ईयू) मा आबद्ध देशका गैरआवासीय राजदूत तथा मिसन प्रमुखहरूसँग सिंहदरबारमा सामूहिक भेटवार्ता गरेका छन्। यस भेटमा नेपालको वर्तमान प्राथमिकता, द्विपक्षीय सम्बन्ध सुदृढ तुल्याउने र सहकार्यका विविध विषयमा छलफल केन्द्रित रहेको प्रधानमन्त्रीको सचिवालयले जनाएको छ।

परराष्ट्रमन्त्री शिशिर खनालले नेपालको परराष्ट्र नीतिलाई बदलिँदो विश्व परिवेशअनुसार परिमार्जन गर्दै आर्थिक कूटनीतिलाई प्राथमिक केन्द्रमा राख्नुपर्ने बताएका छन्। उनले परराष्ट्र मन्त्रालय र विदेशस्थित नेपाली नियोगहरूलाई परिणाममुखी र कार्यसम्पादनमा आधारित संरचनाका रूपमा विकास गर्नुपर्ने उल्लेख गरे। मन्त्री खनालका अनुसार अबको कूटनीतिक प्राथमिकता वैदेशिक प्रत्यक्ष लगानी आकर्षित गर्ने, पर्यटन प्रवर्द्धन गर्ने, प्रविधि हस्तान्तरण विस्तार गर्ने तथा अन्तर्राष्ट्रिय बजार पहुँच वृद्धि गर्ने दिशामा केन्द्रित हुनुपर्छ।

युरोपेली संघ (ईयू) को २२ सदस्यीय उच्चस्तरीय कूटनीतिक टोलीले प्रधानमन्त्री बालेन शाहसँग सामूहिक भेटवार्ता गरेको छ। भ्रमणका क्रममा परराष्ट्रमन्त्री शिशिर खनालले नेपालको हवाई क्षेत्रलाई ईयूको उडान सुरक्षा कालोसूचीबाट हटाउन सहयोग गर्न आग्रह गरेका छन्। ईयू पक्षले नेपाल-ईयू सम्बन्ध सुदृढ गर्ने अवसरका रूपमा यस भ्रमणलाई व्याख्या गरेको छ।