Photo · nagariknews.nagariknetwork.com
आईसीसी विश्वकप लिग–२ अन्तर्गत सोमबार भएको खेलमा नेपालले शीर्ष स्थानको स्कटल्याण्डलाई ६ विकेटले पराजित गरेको छ। कीर्तिपुरस्थित त्रिवि क्रिकेट मैदानमा स्कटल्याण्डले दिएको १९५ रनको लक्ष्य नेपालले ३८.१ ओभरमा ४ विकेट गुमाएर पूरा गर्यो। यो जितसँगै नेपाल लिग–२ को अंक तालिकामा पाँचौं स्थानमा उक्लिएको छ।
एसियन गेम्स छनोट: नेपाली महिला क्रिकेट टोली आज चीनसँग प्रतिस्पर्धा गर्दै
नेपाली महिला क्रिकेट टोली एसियन गेम्स छनोट अन्तर्गत समूह चरणको खेलमा आज चीनसँग प्रतिस्पर्धा गर्दैछ। मलेसियामा हुने यो खेल नेपाली समय अनुसार बिहान ११:४५ बजे सुरु हुनेछ। यसअघि नेपालले चीनविरुद्ध खेलेका दुई टी-२० अन्तर्राष्ट्रिय खेलमा जित हात पारेको छ।
राष्ट्रिय बी चेस च्याम्पियनसिपमा रिसोन र बिनिताको अग्रता
काठमाडौं । नेपाल बुद्धिचाल महासंघले आयोजना गरेको राष्ट्रिय बी चेस च्याम्पियनसिपको चौथो चरणको खेल सकिँदा पुरुषतर्फ रिसोन थापा र महिलातर्फ बिनिता कपालीले एकल अग्रता कायम गरेका छन्। काँकडभिट्टास्थित नाइट चेस क्लबको व्यवस्थापनमा भइरहेको प्रतियोगितामा शीर्ष खेलाडीहरू २६औं राष्ट्रिय पुरुष र ११औं राष्ट्रिय महिला च्याम्पियनसिपका लागि छनोट हुनेछन्।
फिफा विश्वकप २०२६: आयोजक अमेरिकाले २६ सदस्यीय टोली घोषणा गर्यो
फिफा विश्वकप २०२६ को लागि आयोजक राष्ट्र अमेरिकाले २६ सदस्यीय टोली घोषणा गरेको छ। प्रशिक्षक माउरिसियो पोचेटिनोले घोषणा गरेको टोलीमा क्रिस्टियन पुलिसिक, टायलर एडम्स र वेस्टन म्याकेनी जस्ता खेलाडीहरू समावेश छन्। अमेरिकाले विश्वकपको समूह 'डी' मा पाराग्वे, अस्ट्रेलिया र टर्कीसँग प्रतिस्पर्धा गर्नेछ।
काठमाडौं महानगरपालिकाद्वारा पौडी प्रतियोगितालाई मुख्य प्रायोजन
काठमाडौं महानगरपालिकाले नेपाल पौडी संघसँगको सहकार्यमा 'नेपाल एक्वेटिक्स काठमाडौं महानगर मेयर कप पौडी प्रतियोगिता' आयोजना गर्न मुख्य प्रायोजन सम्झौता गरेको छ। सम्झौता अनुसार, यो प्रतियोगिता जेठ २३ र २४ गते सातदोबाटो पौडी पोखरीमा सञ्चालन हुनेछ।
