Photo · www.pardafas.com
नेकपा एमालेका सांसद ऐन महरले बझाङ जिल्लामा पर्याप्त जलविद्युत उत्पादन भइरहे पनि ४० प्रतिशतभन्दा बढी जनता अँध्यारोमा बस्न बाध्य भएको भन्दै सरकारको ध्यानाकर्षण गराएका छन्। मंगलबार प्रतिनिधिसभा बैठकमा बोल्दै उनले बझाङको विद्युत र सञ्चार सेवाको दयनीय अवस्थाबारे जानकारी गराए। सांसद महरले समस्या समाधानका लागि तत्काल सबस्टेसन निर्माण र सञ्चार सेवा सहज बनाउन माग गरेका छन्।
मध्य काठमाडौंमा १३२ केभी भूमिगत प्रसारण लाइन निर्माण हुने
नेपाल विद्युत् प्राधिकरणले काठमाडौंको मध्यभागमा १३२ केभी क्षमताको भूमिगत प्रसारण लाइन निर्माण गर्ने भएको छ। चक्रपथभित्र सहज विद्युत् आपूर्ति र सहरी सौन्दर्य अभिवृद्धि गर्ने लक्ष्यका साथ यो आयोजना अघि बढाइएको हो। यसका लागि प्राधिकरणले विद्युत् विकास विभागमा अनुमति आवेदन दिएको छ।
कतारको एलएनजी निर्यातमा भदौसम्म अवरोध कायमै, एसिया र युरोप चिन्तित
विश्वको सबैभन्दा ठूलो तरल प्राकृतिक ग्यास (एलएनजी) उत्पादकमध्येको एक कतार इनर्जीले आफ्नो ग्यास ढुवानीमा देखिएको अवरोधलाई आगामी भदौको अन्त्यसम्म लम्ब्याएको छ। यस घोषणाले ऊर्जा संकट झेलिरहेका एसियाली र युरोपेली मुलुकहरूलाई थप चिन्तित बनाएको छ। कतारबाट इटलीका लागि तय भएका १७ वटा एलएनजी ढुवानी रद्द भएका छन्, जसले इटलीको औद्योगिक र घरेलु ऊर्जा क्षेत्रमा गम्भीर प्रभाव पार्ने देखिएको छ।
ट्रान्सफर्मर प्राविधिक समस्याले प्युठान, रोल्पा र अर्घाखाँचीमा विद्युत् आपूर्ति अवरुद्ध
झिमरुक जलविद्युत् आयोजनाको पावर हाउसमा जडान गरिएको ट्रान्सफर्मरमा प्राविधिक समस्या देखिएपछि प्युठान, रोल्पा र अर्घाखाँचीका विभिन्न क्षेत्रमा विद्युत् आपूर्ति अवरुद्ध भएको छ। आइतबार रातिदेखि सेवा बन्द हुँदा स्थानीय उपभोक्ता तीन दिनयता प्रभावित बनेका छन्। बुटवल पावर कम्पनी लिमिटेडका अनुसार १५ मेगाभोल्ट एम्पियर क्षमताको ट्रान्सफर्मरमा समस्या आएपछि उत्पादन तथा वितरण प्रणाली रोकिएको हो।
मध्य काठमाडौँमा १३२ केभी क्षमताको भूमिगत प्रसारण लाइन निर्माण हुने
नेपाल विद्युत् प्राधिकरणले काठमाडौँको मध्यभागमा १३२ केभी क्षमताको भूमिगत प्रसारण लाइन निर्माण गर्ने भएको छ । चक्रपथभित्र सहज रूपमा विद्युत् उपलब्ध गराउने, विद्युत् खपत बढाउने र सहरको सौन्दर्य अभिवृद्धि गर्ने लक्ष्यका साथ यो आयोजना अघि बढाइएको हो । यो प्रसारण लाइन बालाजु, महाराजगञ्ज, राजदरबार, रत्नपार्क हुँदै सिंहदरबारसम्म जोडिनेछ ।
