Photo · himalpress.com
नेपाललाई सम्पत्ति शुद्धीकरणसम्बन्धी सघन निगरानी सूची (ग्रे लिस्ट) बाट बाहिर निकाल्नका लागि चालिएका कदमबारे प्रहरी महानिरीक्षक दानबहादुर कार्की र एसिया प्यासिफिक ग्रुप अन मनी लाउन्डरिङ (एपीजी) का प्रतिनिधिमण्डलबीच छलफल भएको छ। प्रहरी प्रधान कार्यालय नक्सालमा भएको भेटमा नेपालले प्रस्तुत गरेको कार्ययोजनाको कार्यान्वयनमा नेपाल प्रहरीको भूमिकाबारे विस्तृत कुराकानी भएको थियो।
पूर्वाधार विकास मन्त्रालयका सचिवको कार्यकक्षमा प्रवेश गरी अभद्र व्यवहार गर्ने व्यक्ति पक्राउ
प्रहरीले पूर्वाधार विकास मन्त्रालयका सचिवको कार्यकक्षमा अनधिकृत रूपमा प्रवेश गरी अभद्र व्यवहार र धाकधम्की दिएको आरोपमा उपेन्द्रकुमार शाहीलाई पक्राउ गरेको छ। शाहीले पूर्व सूचना बिना मन्त्रालयको सचिवको कार्यकक्षमा प्रवेश गरी हुलहुज्जत र होहल्ला गरेको आरोप छ।
ललितपुरमा नक्कली ५०० रुपैयाँका नोटसहित एक जना पक्राउ
प्रहरीले ललितपुरको लगनखेल बसपार्क नजिकबाट नक्कली नोटसहित १९ वर्षीय सुरज राईलाई पक्राउ गरेको छ। राईको साथबाट ५०० रुपैयाँ दरका १६ थान नक्कली नेपाली नोट बरामद भएको छ। यस सम्बन्धमा प्रहरीले थप अनुसन्धान गरिरहेको छ।
क्यानडा पठाउने भन्दै ठगी गर्ने दुई भारतीय नागरिक पक्राउ
वैदेशिक रोजगारीका नाममा क्यानडा पठाइदिने भन्दै ठूलो रकम असुली गरेको आरोपमा प्रहरीले डब्लूडब्लूआईसीएस इमिग्रेसन सर्भिस नेपाल प्रालिका दुई भारतीय नागरिक अमित कुमार र राहुल कुमारलाई पक्राउ गरेको छ। उनीहरूले बिजनेस स्टार्टअप भिसामा क्यानडा लैजाने प्रलोभन देखाएर प्रतिव्यक्ति ८० हजार अमेरिकी डलरसम्म लिई हालसम्म ४ जना पीडितसँग १ करोड ५७ लाख ६५ हजार ४ सय रुपैयाँ ठगी गरेको प्रारम्भिक अनुसन्धानबाट खुलेको छ।
-1779855121.jpg)
प्रेम थारुमाथि चोरी र सम्पत्ति शुद्धीकरणको अभियोगमा प्रहरीले बुझायो अनुसन्धान प्रतिवेदन
प्रहरीले गत माघमा बौद्धबाट पक्राउ परेका प्रेम थारुमाथि चोरी र सम्पत्ति शुद्धीकरणसम्बन्धी मुद्दामा कारबाही गर्न माग गर्दै जिल्ला अदालत काठमाडौंमा अनुसन्धान प्रतिवेदन र अभियोग पत्र दायर गरेको छ। थारुले चोरीको रकमबाट घर, जग्गा र गाडी किनेको तथा विभिन्न बैंक खातामा करोडौंको कारोबार गरेको अभियोगमा उल्लेख छ।
