बाल गृहलाई सहयोग जुटाउन लन्डन-पेरिस च्यारिटी साइकलयात्रा गरिंदै

नेपालमा रहेका अनाथ तथा विपन्न बालिकाहरुको लागि सहयोग जुटाउन नेपाली साइक्लिङ क्लब यूके (एनसीसी यूके) ले ‘लन्डन टु पेरिस’ च्यारिटी साइकलयात्रा गर्ने भएको छ । आगामी ५ जुनदेखि सुरु हुने उक्त यात्रामा क्लबका १८ जना सदस्यले तीन दिनमा करिब ३५० किलोमिटर दूरी पूरा गर्नेछन् । च्यारिटी साइकलयात्रा अभियानमार्फत ६ हजार पाउण्ड संकलन गर्ने लक्ष्य राखिएको छ र संकलित रकम हेल्प नेपाल नेटवर्कद्वारा काभ्रेमा सञ्चालित बाल गृह ‘चिल्ड्रेन्स सेल्टर’ लाई सहयोग गरिनेछ ।