गणतन्त्र सडकको संघर्षबाट आएको हो, कसैको उपहार होइन: अध्यक्ष श्रेष्ठ

www.onlinepana.com · 19 घण्टा अघि

अनेरास्ववियुका अध्यक्ष महेश श्रेष्ठले नेपालमा गणतन्त्र स्थापना लामो संघर्ष, त्याग र जनआन्दोलनको परिणाम भएको र यसमा विद्यार्थी आन्दोलनको निर्णायक भूमिका रहेको स्मरण गरेका छन्। उनले राजतन्त्र अन्त्य गरी जनताको सार्वभौम अधिकार स्थापित गर्न विद्यार्थी संगठनहरूले सडकबाट गणतन्त्रको आवाज बुलन्द गरेको बताए। गणतन्त्र प्राप्तिको आन्दोलनमा ज्यान गुमाउने शहीदहरूको योगदानलाई स्मरण गर्नुपर्ने र व्यवस्था परिवर्तन भए पनि आम जनताको जीवनस्तरमा अपेक्षाअनुसार परिवर्तन आउन नसकेको स्वीकार गर्दै उनले अहिलेको मुख्य चुनौती व्यवस्थाको प्रभावकारी कार्यान्वयन भएको बताए।