कर्णाली करिडोर

हुम्लाको सर्केगार्ड गाउँपालिका–१ को खच्चामा सुक्खा पहिरो खस्दा कर्णाली करिडोरको यातायात सेवा बुधबारदेखि ठप्प भएको छ। प्रहरीका अनुसार करिब १० मिटर माथिबाट आएको पहिरोले सडक पुरिएको छ र ठूला उपकरणको सहायताले पहिरो पन्छाउने प्रयास भइरहेको छ। सडक अवरुद्ध हुँदा माथिल्लो हुम्लाका पाँच गाउँपालिकातर्फ जाने यातायातका साधन रोकिएका छन्।

बाजुराको हिमाली गाउँपालिका–३, लाम्पाटामा भएको घटनाको छानबिन, दोषीमाथि कारबाही र पीडितलाई न्यायको माग गर्दै हिमाली युवा क्लबले कर्णाली करिडोर अनिश्चितकालका लागि बन्द गरेको छ। जेठ ८ गते भएको सहमति कार्यान्वयन नभएको भन्दै क्लबले आइतबारदेखि करिडोर पुनः बन्द गरेको हो।

गृह मन्त्रालयले हुम्ला र बाजुरा जिल्लाको सीमा क्षेत्रमा भएको घटनाको सत्यतथ्य छानबिन गर्न प्रहरी वरिष्ठ उपरीक्षकको संयोजकत्वमा एक टोली गठन गरेको छ। मन्त्रालयले नागरिकको सुरक्षा सुनिश्चित गर्न र शान्ति सुव्यवस्था कायम राख्न जिल्ला सुरक्षा समितिहरूलाई उच्च सतर्कता अपनाउन निर्देशन दिएको छ। यस घटनाको जानकारी प्राप्त हुनासाथ नेपाल प्रहरी र सशस्त्र प्रहरी बलको विशेष टोली घटनास्थलमा परिचालन गरिएको छ।

सुदूरपश्चिम प्रदेशका मुख्यमन्त्री कमलबहादुर शाहले बाजुरा जिल्लाको हिमाली गाउँपालिका–३ च्याचौर क्षेत्रमा भएको झडपमा घाइते भएकाहरूको सम्पूर्ण उपचार खर्च प्रदेश सरकारले गर्ने बताउनुभएको छ । उहाँले घटनामा संलग्न दोषीमाथि कानुनी कारबाहीका लागि प्रहरी प्रशासनले आवश्यक कदम अघि बढाइसकेको जानकारी दिनुभयो ।

बाजुराको हिमाली गाउँपालिका-३, लाम्पाटामा भएको घटनाको छानबिन, दोषीमाथि कारबाही र पीडितलाई न्यायको माग गर्दै हिमाली युवा क्लबले कर्णाली करिडोर अनिश्चितकालका लागि बन्द गरेको छ। जेठ ८ गते भएको सहमति कार्यान्वयन नभएको आरोप लगाउँदै क्लबले आइतबारदेखि करिडोर पुनः बन्द गरेको हो।

बाजुराको हिमाली गाउँपालिका–३ लाम्पाटामा उत्पन्न सीमा विवाद र प्रहरी चौकी निर्माणको विषयमा बसेको सर्वदलीय बैठकले पाँच बुँदे निर्णय गरेको छ। बैठकले घटनाको निष्पक्ष छानबिन गर्न उच्चस्तरीय समिति गठन गरी दोषीमाथि कारबाहीका लागि गृह मन्त्रालयमा सिफारिस गर्ने निर्णय गरेको छ। यससँगै अवरुद्ध कर्णाली करिडोर सुचारु गर्ने सहमति भएको छ।

बाजुरा–हुम्ला सीमा क्षेत्रको लाम्पाटामा उत्पन्न विवादका विषयमा बाजुरामा बसेको सर्वदलीय बैठकले घटनाको निष्पक्ष छानबिन गर्न उच्चस्तरीय छानबिन समिति गठन गरी दोषीमाथि कारबाहीका लागि गृह मन्त्रालयमा सिफारिस गर्ने निर्णय गरेको छ। बैठकले पर्यटकलाई सुरक्षाको प्रत्याभूति दिलाउन सो क्षेत्रमा सुरक्षा निकायको उपस्थिति गराउन र कर्णाली करिडोरमा सवारी साधनको निर्वाध आवागमनको वातावरण बनाउन सम्बन्धित निकायसँग अनुरोध गर्ने निर्णय गरेको छ।