बाजुरा

दाङ जिल्लामा फेला परेको शंकास्पद वस्तु नेपाली सेनाको बम डिस्पोजल टोलीले सुरक्षित रूपमा निष्क्रिय पारेको छ। यसैबीच, बाजुरा र हुम्लाबीचको सीमा विवाद वास्तविक नभई जडिबुटी तस्करी नियन्त्रण गर्ने प्रयासविरुद्धको गतिविधि भएको नेकपा (एमाले) का केन्द्रीय सदस्य नरेश रोकायाले दाबी गरेका छन्।

बाजुरा जिल्लाका हिमाली गाउँपालिकाका अध्यक्ष गोविन्दबहादुर मल्ल र उपाध्यक्ष राजकला सार्कीसहित २८ जनाविरुद्ध हुम्लाका नागरिकलाई बन्धक बनाएको र राजमार्ग अवरुद्ध गरेको आरोपमा हुम्ली समाजले जिल्ला प्रहरी कार्यालय हुम्लामा उजुरी दर्ता गरेको छ। यसैगरी, सीमा क्षेत्रमा काठ तस्करी, राष्ट्रिय चरा डाँफे र वन्यजन्तु झारलको शिकार भएको भन्दै डिभिजन वन कार्यालय हुम्लामा ६ जनाविरुद्ध मुद्दा दर्ता गरिएको छ।

नेकपा (एमाले) का केन्द्रीय सदस्य नरेश रोकायाले बाजुराको रानीसैन क्षेत्रमा देखिएको विवाद सीमा सम्बन्धी नभई अवैध जडिबुटी तस्करी नियन्त्रण गर्ने प्रयासविरुद्धको गतिविधि भएको दाबी गरेका छन्। उनले तस्कर समूहले आफ्नो स्वार्थ जोगाउन सीमा विवादको विषय उचालेको बताएका छन्।

नेपाल पत्रकार महासंघ र समाजवादी प्रेस संगठन नेपालले बाजुराको हिमाली गाउँपालिका–३ लाम्पाटामा समाचार संकलनका क्रममा रहेका पत्रकारमाथि दुर्व्यवहार, सञ्चार सामग्री तोडफोड र धम्की दिएको घटनाप्रति गम्भीर ध्यानाकर्षण भएको जनाएका छन् । दुवै संगठनले घटनाको निष्पक्ष छानबिन गरी दोषीमाथि तत्काल कारबाही गर्न माग गरेका छन् ।

सरकारले बाजुरा र हुम्ला जिल्लाको सीमासम्बन्धी प्राविधिक पक्षको अध्ययन गरी प्रतिवेदन पेस गर्न नापी विभागका उपमहानिर्देशक सुशील डंगोलको संयोजकत्वमा एक समिति गठन गरेको छ। भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलको अध्यक्षतामा सिंहदरबारमा बसेको बैठकले यो निर्णय गरेको हो।

बाजुराको हिमाली गाउँपालिका–३, लाम्पाटामा भएको घटनाको छानबिन, दोषीमाथि कारबाही र पीडितलाई न्यायको माग गर्दै हिमाली युवा क्लबले कर्णाली करिडोर अनिश्चितकालका लागि बन्द गरेको छ। जेठ ८ गते भएको सहमति कार्यान्वयन नभएको भन्दै क्लबले आइतबारदेखि करिडोर पुनः बन्द गरेको हो।

गृह मन्त्रालयले हुम्ला र बाजुरा जिल्लाको सीमा क्षेत्रमा भएको घटनाको सत्यतथ्य छानबिन गर्न प्रहरी वरिष्ठ उपरीक्षकको संयोजकत्वमा एक टोली गठन गरेको छ। मन्त्रालयले नागरिकको सुरक्षा सुनिश्चित गर्न र शान्ति सुव्यवस्था कायम राख्न जिल्ला सुरक्षा समितिहरूलाई उच्च सतर्कता अपनाउन निर्देशन दिएको छ। यस घटनाको जानकारी प्राप्त हुनासाथ नेपाल प्रहरी र सशस्त्र प्रहरी बलको विशेष टोली घटनास्थलमा परिचालन गरिएको छ।

सुदूरपश्चिम प्रदेशका मुख्यमन्त्री कमलबहादुर शाहले बाजुरा जिल्लाको हिमाली गाउँपालिका–३ च्याचौर क्षेत्रमा भएको झडपमा घाइते भएकाहरूको सम्पूर्ण उपचार खर्च प्रदेश सरकारले गर्ने बताउनुभएको छ । उहाँले घटनामा संलग्न दोषीमाथि कानुनी कारबाहीका लागि प्रहरी प्रशासनले आवश्यक कदम अघि बढाइसकेको जानकारी दिनुभयो ।

गृह मन्त्रालयले हुम्ला र बाजुरा जिल्लाको सीमा क्षेत्रमा भएको घटनाको सत्यतथ्य छानबिन गर्न प्रहरी वरिष्ठ उपरीक्षकको संयोजकत्वमा एक उच्चस्तरीय विशेष टोली गठन गरेको छ। मन्त्रालयका अनुसार उक्त टोलीलाई तुरुन्त कार्यस्थलमा खटिएर घटनाको निष्पक्ष अध्ययन गरी प्रतिवेदन पेस गर्न निर्देशन दिइएको छ। सीमा क्षेत्रमा नागरिकको सुरक्षा सुनिश्चित गर्न र शान्ति सुव्यवस्थालाई थप मजबुत बनाउन मन्त्रालयले जिल्ला सुरक्षा समितिलाई निरन्तर उच्च सतर्कता अपनाउन निर्देशन दिएको छ।

सरकारले बाजुरा र हुम्ला जिल्लाको सीमासम्बन्धी प्राविधिक पक्ष अध्ययन गर्न नापी विभागका उपमहानिर्देशक सुशील डङ्गोलको संयोजकत्वमा एक समिति गठन गरेको छ। भूमि व्यवस्था, सहकारी, सङ्घीय मामिला तथा सामान्य प्रशासन मन्त्री प्रतिभा रावलको अध्यक्षतामा बसेको बैठकले यो निर्णय गरेको हो।