हिमा गाउँपालिका

नेपाल पत्रकार महासंघ र समाजवादी प्रेस संगठन नेपालले बाजुराको हिमाली गाउँपालिका–३ लाम्पाटामा समाचार संकलनका क्रममा रहेका पत्रकारमाथि दुर्व्यवहार, सञ्चार सामग्री तोडफोड र धम्की दिएको घटनाप्रति गम्भीर ध्यानाकर्षण भएको जनाएका छन् । दुवै संगठनले घटनाको निष्पक्ष छानबिन गरी दोषीमाथि तत्काल कारबाही गर्न माग गरेका छन् ।

सुदूरपश्चिम प्रदेशका मुख्यमन्त्री कमलबहादुर शाहले बाजुरा जिल्लाको हिमाली गाउँपालिका–३ च्याचौर क्षेत्रमा भएको झडपमा घाइते भएकाहरूको सम्पूर्ण उपचार खर्च प्रदेश सरकारले गर्ने बताउनुभएको छ । उहाँले घटनामा संलग्न दोषीमाथि कानुनी कारबाहीका लागि प्रहरी प्रशासनले आवश्यक कदम अघि बढाइसकेको जानकारी दिनुभयो ।

बाजुराको हिमाली गाउँपालिका-३, लाम्पाटामा भएको घटनाको छानबिन, दोषीमाथि कारबाही र पीडितलाई न्यायको माग गर्दै हिमाली युवा क्लबले कर्णाली करिडोर अनिश्चितकालका लागि बन्द गरेको छ। जेठ ८ गते भएको सहमति कार्यान्वयन नभएको आरोप लगाउँदै क्लबले आइतबारदेखि करिडोर पुनः बन्द गरेको हो।

बाजुराको हिमाली गाउँपालिका-३ लाम्पाटामा अस्थायी प्रहरी चौकी निर्माण र सीमा विवादलाई लिएर हुम्ला र बाजुराका स्थानीयबीच झडप हुँदा ६ जना घाइते भएका छन्। घाइतेमध्ये चार जनालाई हेलिकप्टरमार्फत उद्धार गरी थप उपचारका लागि सुर्खेत पठाइएको छ।

हुम्ला र बाजुराको सीमावर्ती क्षेत्र लाम्पाटामा अस्थायी प्रहरी चौकी निर्माण गर्ने विषयमा विवाद हुँदा बाजुराको धुलाचौर बजारमा हुम्लाका सयौं यात्रु अलपत्र परेका छन्। विवादका कारण यातायात अवरुद्ध हुँदा यात्रुहरू दुई दिनदेखि रोकिएका छन् र उनीहरूलाई खाना, पानी र सहयोग समेत नदिएको गुनासो छ।

बाजुराको लाम्पाटा क्षेत्रमा भएको अमानवीय घटनाको सत्यतथ्य छानबिन गरी संलग्न अराजक समूहलाई कानुनी दायरामा ल्याउन नेपाल भोटे जनजाति सेवा संघले माग गरेको छ। हुम्लाका करिब तीन सय स्थानीय संलग्न रहेको उक्त घटनामा वडा सदस्य, प्रहरी सहायक हवल्दार र गाउँपालिकाका प्रमुख प्रशासकीय अधिकृत घाइते भएका थिए। यो घटना सीमा विवाद नभई प्रहरी चौकी स्थापनापछि जडीबुटी चोरीमा अवरोध पुगेकाले भएको संघको ठहर छ।

बाजुराको हिमाली गाउँपालिका–३ लाम्पाटा, रानीसैन क्षेत्रमा सुरक्षा चौकी निर्माण तथा पर्यटन प्रवद्र्धन अभियान चलिरहेका बेला हुम्लाबाट आएको भनिएको समूहले वडा सदस्य पेमा गारा गुरुङको घरमा आक्रमण गरी लुटपाट र तोडफोड गरेको छ। यो घटनालाई रानीसैन क्षेत्रको प्राकृतिक सम्पदा दोहनलाई निरन्तरता दिन गरिएको सुनियोजित हमलाको रूपमा स्थानीयवासी र जनप्रतिनिधिहरूले आरोप लगाएका छन्।

बाजुराको हिमाली गाउँपालिका–३ लाम्पाटामा प्रहरी चौकी निर्माणको विषयलाई लिएर बाजुरा र हुम्लाका स्थानीयबीच झडप हुँदा एक प्रहरीसहित पाँच जना घाइते भएका छन्। लाम्पाटा क्षेत्रमा जडीबुटी र पर्यटकीय सम्भावना रहेकाले दुई जिल्लाका बासिन्दाबीच हरेक वर्ष झडप हुने गरेको छ।

बाजुराको हिमाली गाउँपालिका–३ लाम्पाटामा उत्पन्न सीमा विवाद र प्रहरी चौकी निर्माणको विषयमा बसेको सर्वदलीय बैठकले पाँच बुँदे निर्णय गरेको छ। बैठकले घटनाको निष्पक्ष छानबिन गर्न उच्चस्तरीय समिति गठन गरी दोषीमाथि कारबाहीका लागि गृह मन्त्रालयमा सिफारिस गर्ने निर्णय गरेको छ। यससँगै अवरुद्ध कर्णाली करिडोर सुचारु गर्ने सहमति भएको छ।

बाजुराको हिमाली गाउँपालिकाको रानीसैनमा सीमा विवादका क्रममा हुम्लाका स्थानीयको आक्रमणबाट घाइते भएका चार जनालाई हेलिकप्टरमार्फत उद्धार गरी सुर्खेत प्रादेशिक अस्पताल लगिएको छ। हिमाली गाउँपालिकाले घाइतेको उद्धारका लागि हेलिकप्टरको खर्च व्यहोरेको छ।