गोरखा

पूर्वप्रधानमन्त्री डा. बाबुराम भट्टराईले राष्ट्रिय गौरवको आयोजनाअन्तर्गत पर्ने मध्यपहाडी लोकमार्गको गोरखा खण्डको काम वर्षौंदेखि अलपत्र परेको भन्दै सरकारको ध्यानाकर्षण गराएका छन्। उनले सत्ताको शिरदेखि पुछारसम्मका ढोका ढकढक्याउँदा पनि काम अघि नबढेको र ठेकेदारको पहुँचका कारण समस्या भएको बताएका छन्।

गोरखाको भीमसेनथापा गाउँपालिकामा आयोजित एक दिने निःशुल्क विशेषज्ञ स्वास्थ्य शिविरबाट ४७ जना हाडजोर्नी तथा नशारोगका बिरामीहरूले उपचार सेवा लिएका छन्। प्रदेश अस्पताल गोरखाको आयोजना र गाउँपालिकाको समन्वयमा सहिद आधारभूत अस्पतालमा सञ्चालित शिविरमा २१ जना बिरामीलाई फिजियोथेरापी सेवा पनि प्रदान गरिएको थियो।

नेकपाका नेता राजेन्द्रप्रसाद पाण्डेले बुढी गण्डकी जलविद्युत आयोजनाबारे अर्थमन्त्री डा. स्वर्णिम वाग्लेले गरेको टिप्पणी उपयुक्त नभएको बताएका छन्। पाण्डेले उक्त अभिव्यक्तिले आयोजना र जनअपेक्षाप्रति नकारात्मक सन्देश गएको टिप्पणी गर्दै राष्ट्रिय गौरवको योजनालाई सामान्य जलविद्युत आयोजनाका रूपमा नहेर्न आग्रह गरेका छन्।

धादिङमा आइतबार साँझ काठमाडौँबाट पोखराका लागि छुटेको माइक्रोबस कृष्णभिरमा ब्रेक फेल भई दुर्घटना हुँदा ६ जना घाइते भएका छन्। यसैगरी, गोरखाको मनकामना सडक खण्डमा बोलेरो जिप सडकबाट करिब ५० मिटर तल नदीमा खस्दा दुई जना गम्भीर घाइते भएका छन्। दुवै दुर्घटनामा घाइतेहरूको स्थानीय अस्पतालमा उपचार भइरहेको छ।

कोशी प्रदेशसभामा आर्थिक वर्ष २०८३/८४ का लागि प्रस्तुत वार्षिक नीति तथा कार्यक्रममाथि छलफल सुरु भएको छ। यसैबीच, गोरखामा मर्स्याङ्दी र दरौँदी दोभानमा बोलेरो खस्दा दुई जना गम्भीर घाइते भएका छन्।

गोरखाका २५ वर्षीय प्रकाश गुरुङको यार्सागुम्बा संकलन गर्न जाँदा भिरबाट लडेर मृत्यु भएको छ। बुद्ध हिमालको फेदबाट यार्सागुम्बा संकलन गरी फर्कने क्रममा गत बुधबार उनी दुर्घटनामा परेका थिए।

गोरखामा निर्माणाधीन सुपर त्रिशूली हाइड्रोपावरमा काम गर्ने क्रममा ४१ वर्षीय दुखीलाल यादव पर्खालबाट खसेर गम्भीर घाइते भएका थिए। उपचारका क्रममा उनको मृत्यु भएको जिल्ला प्रहरी कार्यालय गोरखाले जनाएको छ।

मनास्लु संरक्षण क्षेत्रअन्तर्गत पर्ने उत्तरी गोरखाको सामागाउँ र साम्दो क्षेत्रमा बढ्दो मानव-वन्यजन्तु द्वन्द्वको अध्ययन गर्न १८ वटा ट्रयाप क्यामेरा जडान गरिएको छ। पछिल्ला वर्षहरूमा याक, चौँरी र घोडाजस्ता घरपालुवा जनावरमाथि रहस्यमय आक्रमण बढेपछि मनास्लु संरक्षण क्षेत्र आयोजना (एमक्याप) ले यो अध्ययन सुरु गरेको हो।