Photo · baahrakhari.com
अमेरिका र क्युबाबीच बढ्दो तनावका बीच अमेरिकी विमानवाहक युद्धपोत 'युएसएस निमिट्ज' आफ्नो आक्रमण समूहसहित क्यारेबियन सागर क्षेत्रमा पुगेको छ। यो तैनाथी अमेरिकी राष्ट्रपति डोनाल्ड ट्रम्पले क्युबाविरुद्ध कडा अभिव्यक्ति दिन थालेपछि भएको हो। यसैबीच, अमेरिकी न्याय विभागले सन् १९९६ मा दुई नागरिक विमान खसालेको घटनामा क्युबाका पूर्वराष्ट्रपति राउल क्यास्ट्रोविरुद्ध हत्याको अभियोग दर्ता गरेको छ।
अमेरिका र इरानबीच सम्झौताको खाका तयार गर्न सहमति, मतभेद कायमै
इरानले अमेरिकासँग सम्भावित सम्झौताका लागि १४ बुँदे खाकालाई अन्तिम रूप दिने तयारी भइरहेको जनाएको छ। इरानी विदेश मन्त्रालयका प्रवक्ता इस्माइल बकाईले शनिबार सरकारी टेलिभिजनमार्फत दुवै पक्षबीच सहमतिका आधार तयार पार्ने प्रयास भइरहेको जानकारी दिएका हुन्। यद्यपि, तेहरान र वासिङ्टनबीच अझै पनि गहिरा मतभेद कायम रहेको उनले बताएका छन्।
भारतले नेपाललाई १० वटा कैदी बोक्ने ट्रक हस्तान्तरण गर्यो
भारत सरकारले नेपालको कानुन कार्यान्वयन गर्ने निकायको क्षमता अभिवृद्धिमा सहयोग पुर्याउने उद्देश्यले १० वटा कैदी बोक्ने ट्रक उपहार स्वरूप प्रदान गरेको छ। मंगलबार वीरगञ्जमा आयोजित समारोहमा भारतीय महावाणिज्यदूत देवी सहाय मीनाले पर्साका प्रमुख जिल्ला अधिकारी भोला दाहाललाई ती सवारी साधनहरू हस्तान्तरण गरे।
क्वाडलाई चीनको चेतावनी: गुट निर्माण र द्वन्द्व भड्काउने गतिविधि स्वीकार्य छैन
पूर्वी र दक्षिण चीन सागर क्षेत्रमा बढ्दो तनावबारे क्वाड समूहका विदेशमन्त्रीहरूले चिन्ता व्यक्त गरेपछि चीनले कडा प्रतिक्रिया जनाउँदै 'गुट निर्माण' र द्वन्द्व भड्काउने गतिविधि स्वीकार्य नहुने चेतावनी दिएको छ। चीनको विदेश मन्त्रालयकी प्रवक्ता माओ निङले पत्रकार सम्मेलनमा पूर्वी र दक्षिण चीन सागरको अवस्था समग्र रूपमा स्थिर रहेको बताउँदै सम्बन्धित देशहरूलाई चीनसँग जोडिएका समुद्री मामिलामा हस्तक्षेप नगर्न आग्रह गरिन्।
मध्यपूर्व युद्धका कारण इन्धन मूल्य वृद्धि भएपछि एयर इन्डियाले उडान कटौती गर्ने
मध्यपूर्वमा जारी युद्धका कारण इन्धनको मूल्य बढेपछि एयर इन्डियाले अन्तर्राष्ट्रिय र घरेलु उडानहरू कटौती गर्ने निर्णय गरेको छ। फेब्रुअरी २८ मा तेहरानमा भएको अमेरिकी-इजरायली आक्रमणपछि इरानले स्ट्रेट अफ होर्मुज बन्द गर्दा उड्डयन इन्धनको मूल्य बढेको हो।
