Photo · prasashan.com
ऊर्जा, जलस्रोत तथा सिँचाइ मन्त्रालयले विद्युत् नियमन आयोगका रिक्त अध्यक्ष र चार सदस्य पदका लागि खुला प्रतिस्पर्धामा आवेदन आह्वान गरेको छ। यसअघि अध्यादेशका कारण पदाधिकारी पदमुक्त भएपछि आयोग नेतृत्वविहीन बनेको थियो। मन्त्रीस्तरीय निर्णयबाट तीन सदस्यीय सिफारिस समिति गठन गरिएको छ।
जर्मनी र क्यानडाबीच ऐतिहासिक ग्यास सम्झौता, हर्मुजमा तनाव
जर्मनी र क्यानडाबीच २० वर्षका लागि वार्षिक १० लाख टन तरल प्राकृतिक ग्यास (एलएनजी) आपूर्ति गर्ने ऐतिहासिक सम्झौता भएको छ, जसलाई जर्मनीको ऊर्जा स्रोत विविधीकरणको रणनीतिक कदमका रूपमा हेरिएको छ। यसैबीच, हर्मुज जलमार्ग नजिकै इरान र अमेरिकाबीच तनाव बढेको छ, जसले कच्चा तेलको मूल्यमा वृद्धि गराएको छ।
माथिल्लो त्रिशूली-१ जलविद्युत् आयोजनाको वेयरगेट उद्घाटन, निर्माण अन्तिम चरणमा
रसुवामा निर्माणाधीन २१६ मेगावाट क्षमताको माथिल्लो त्रिशूली-१ जलविद्युत् आयोजनाको पानी बहाव नियन्त्रण गर्ने वेयरगेटको उद्घाटन गरिएको छ। नेपालका लागि गणतन्त्र कोरियाली राजदूत पार्क थेयङले उद्घाटन गरेसँगै परियोजना निर्माण अन्तिम चरणमा पुगेको नेपालस्थित गणतन्त्र कोरियाली दूतावासले जनाएको छ। यस आयोजना नेपालको जलविद्युत् क्षेत्रमा सबैभन्दा ठूलो प्रत्यक्ष विदेशी लगानी भएको परियोजना हो।
माथिल्लो त्रिशूली–१ जलविद्युत आयोजनाको बाँधमा वियर गेट जडान तथा परीक्षण सम्पन्न
रसुवामा निर्माणाधीन २१६ मेगावाट क्षमताको माथिल्लो त्रिशूली–१ जलविद्युत आयोजनाको बाँधमा एक वियर गेटको जडान तथा परीक्षण सञ्चालन सफलतापूर्वक सम्पन्न भएको छ। यो आयोजना प्रत्यक्ष वैदेशिक लगानीमा निर्माणाधीन सबैभन्दा ठूलो जलविद्युत आयोजनामध्ये एक हो। यस कार्यले आयोजनाको निर्माणलाई थप गति दिने अपेक्षा गरिएको छ।
वीरगञ्ज नाका हुँदै १० महिनामा १ खर्ब ८१ अर्बको पेट्रोलियम पदार्थ आयात
चालु आर्थिक वर्षको १० महिनामा वीरगञ्ज नाका हुँदै १ खर्ब ८१ अर्ब ७० करोड रुपैयाँ मूल्य बराबरको छ थरिका पेट्रोलियम पदार्थ आयात भएको छ। गत आर्थिक वर्षको सोही अवधिको तुलनामा चालु आर्थिक वर्षमा पेट्रोलियम पदार्थको आयात मूल्यमा १६.३५ प्रतिशत अर्थात् २५ अर्ब ५३ करोडको वृद्धि भएको छ। वीरगञ्ज भन्सार कार्यालयका अनुसार यस अवधिमा पेट्रोलियम पदार्थको आयातबाट ६७ अर्ब १९ करोड राजस्व संकलन भएको छ।
