मानसरोवर जाने भारतीय तीर्थालुको संख्या बढ्दै, चार दिनमा १६९ जना हुम्ला पुगे

वर्षायाम शुरू भएसँगै मानसरोवर कैलाश दर्शन गर्न जाने भारतीय धार्मिक पर्यटकको संख्या सिमकोटमा बाक्लिन थालेको छ । सिजन शुरू भएपछि नेपालगञ्जबाट हवाईमार्ग हुँदै जिल्ला सदरमुकाम सिमकोटबाट हिल्सा भएर मानसरोवर कैलाश पर्वतको दर्शन गर्ने पर्यटकको संख्या बढ्न थालेको हो । चार दिनमा मात्र १६९ जना पर्यटक हुम्ला आइपुगेका छन् । गत वर्ष चार महिनामा ६ हजार ५०० भारतीय पर्यटकले मानसरोवर कैलाशको धार्मिकयात्रा गरेका थिए ।