पानीजन्य जोखिमबारे सचेतनाका कार्यक्रम बढाउन सांसद गजुरेलको आग्रह

himalpress.com · 1 दिन अघि

राष्ट्रिय स्वतन्त्र पार्टी (रास्वपा)का सांसद आशिष गजुरेलले पानीजन्य जोखिममा बर्सेनि थुप्रै युवा र बालबालिकाको ज्यान जाने गरेको भन्दै सचेतनाको कार्यक्रम ल्याउन आग्रह गरेका छन्। नेपाल प्रहरीको तथ्यांकअनुसार बर्सेनि ४०० जनाको पानीमा डुबेर र बगेर मृत्यु हुने गरेको छ भने विश्व स्वास्थ्य संगठनको तथ्यांकअनुसार वार्षिक १५ सयको मृत्यु हुने अनुमान छ। पर्याप्त जनचेतना, सुरक्षा, व्यवस्था, पूर्व सतर्कताको कमीले यस्ता घटना हुने गरेको उनको भनाइ छ।