नेपाललाई ग्रे लिस्ट बाट मुक्त गर्न सरकारले सम्पूर्ण शक्ति लगाउने: अर्थमन्त्री डा. वाग्ले

नेपाललाई सम्पत्ति शुद्धीकरण सम्बन्धी ‘ग्रे लिस्ट’ (जुरिसडिक्सन्स अण्डर इन्क्रिज्ड मोनिटरिङ) को सूचीबाट मुक्त गराउन सरकारले आफ्नो सम्पूर्ण शक्ति र उपायहरू परिचालन गर्ने भएको छ । प्रधानमन्त्री तथा मन्त्रिपरिषद्को कार्यालयको संयोजनमा अर्थ मन्त्रालयमा वित्तीय अपराध नियन्त्रण सम्बन्धी बहुपक्षीय निकाय एसिया प्यासिफिक ग्रुप अन मनी लाउन्डरिङ (एपिजी) अन्तर्गतको इन्टरनेसनल कोअपरेसन रिभ्यु ग्रुप (आइसिआरजी) को कार्ययोजनाका विषयमा एक विशेष छलफल आयोजना गरिएको थियो ।