इलाका प्रहरी कार्यालय दमक

श्रीकृष्ण विश्वकर्माकी आमा विन्दमया विश्वकर्माले प्रहरी हिरासतमा आफ्नो छोराको हत्या भएको र राज्यले त्यसलाई आत्महत्या प्रमाणित गर्न खोजेको आरोप लगाएकी छन्। एक महिना बितिसक्दा पनि न्याय नपाएको भन्दै उनी माइतीघर मण्डलामा धर्ना बसिरहेकी छन्। जेनजी युनाइटेडका संयोजक जनक परियारले पनि घटनाको प्रतिवेदन सार्वजनिक गर्न ढिलाइ भएकोमा आशंका व्यक्त गरेका छन्।

बाराको निजगढमा सोमबार साँझ आएको हुरीले रुखको हाँगा ट्याक्टरमा खस्दा देवबहादुर अर्यालको मृत्यु भएको छ। घटनामा ट्याक्टरमा सवार कृष्ण घलान घाइते भएका छन् भने चालक बुद्धमान बल सकुशल रहेका छन्।

नेपाल–चीन उत्तरी कोरलानाका हुँदै भन्सार छली गरी ल्याइएको विद्युतीय चुरोट (भेप) प्रकरणमा संलग्न थप दुई जनालाई प्रहरीले नियन्त्रणमा लिएको छ। प्रहरीका अनुसार चीनबाट चोरी–पैठारी गरी भन्सार छलेर ल्याइएका भेपसहित अन्य सामानको अनुमानित मूल्य १६ करोड ६५ लाख रहेको छ। यसअघि पनि सोही प्रकरणमा दुई कन्टेनर र तीन जनालाई प्रहरीले नियन्त्रणमा लिएको थियो।

प्रहरीले काँक्रोभित्र लुकाएर लागुऔषध हेरोइन तस्करी गर्ने नयाँ शैली फेला पारेको छ। झापाबाट काठमाडौं आउँदै गरेको माइक्रो बसमा १०० ग्रामभन्दा बढी खैरो हेरोइनसहित सोलुखुम्बुका विक्रम श्रेष्ठलाई सिन्धुलीको बीपी राजमार्गबाट प्रहरीले नियन्त्रणमा लिएको हो। प्रहरीका अनुसार तस्करले सुरक्षा निकायलाई भ्रममा पार्न काँक्रोको भित्री भागमा प्वाल पारेर लागुऔषध लुकाएको पाइएको छ।

सिरहामा एक दलित महिलामाथि कुटपिट गरेको आरोपमा प्रहरीले पवित्रनारायण यादवलाई पक्राउ गरेको छ। गत वैशाख २७ गते यादवको खेतमा भैँसी पसेको निहुँमा फूलकुमारी मण्डललाई कुटपिट गरेको आरोप छ। पीडितले अभद्र व्यवहारसम्बन्धी कसुरमा जाहेरी दर्ता गराएपछि यादवलाई नियन्त्रणमा लिइएको हो।

सिरहामा एक दलित महिलामाथि कुटपिट गरेको आरोपमा प्रहरीले पवित्रनारायण यादवलाई पक्राउ गरेको छ। यादवमाथि स्थानीय फूलकुमारी मण्डललाई गत वैशाख २७ गते आफ्नो भैँसी खेतमा पसेको निहुँमा कुटपिट गरेको आरोप छ। पीडित मण्डलले अभद्र व्यवहारसम्बन्धी कसुरमा जाहेरी दर्ता गराएपछि प्रहरीले यादवलाई नियन्त्रणमा लिएको हो।

ग्लोबल आईएमई बैंकका कर्मचारी पिताम्बर खड्काको आत्महत्या प्रकरणमा बैंकका उच्च अधिकारीहरूमाथि अनुसन्धानको माग उठेको छ। आत्महत्याअघि खड्काले सामाजिक सञ्जालमा बैंकका प्रमुख कार्यकारी अधिकृत (सीईओ) सुरेन्द्रराज रेग्मीसहित केही उच्च अधिकारीहरूले आफूलाई मानसिक रूपमा प्रताडित गरेको संकेत गरेका थिए। यस घटनाले बैंकिङ क्षेत्रमा कर्मचारीमाथिको दबाब, कार्यसंस्कृति र मानसिक स्वास्थ्यबारे गम्भीर प्रश्न उठाएको छ।

सात वर्षदेखि फरार रहेका कर्तव्य ज्यान मुद्दाका प्रतिवादी पन्चदेव महरालाई जिल्ला प्रहरी कार्यालय चितवनले बाराको फेटा गाउँपालिका–१ बाट पक्राउ गरेको छ। २०७६ चैत २३ गते खैरहनी नगरपालिका–९ स्थित नेपाल ग्यास उद्योग नजिक सखिचन महरा मृत फेला परेको घटनामा महरा संलग्न रहेको आरोप छ। पक्राउ परेका महरालाई जिल्ला अदालतबाट म्याद थप गरी अनुसन्धान सुरु गरिएको छ।

सोलुखुम्बुको सोताङ गाउँपालिका–१ स्थित हुँगा खोलामा बिहीबार एक अज्ञात पुरुषको शव फेला परेको छ। जिल्ला प्रहरी कार्यालय सोलुखुम्बुका अनुसार खोलामा ढुङ्गाको च्यापमा अड्किएको अवस्थामा शव भेटिएको थियो। हालसम्म मृतकको पहिचान खुल्न नसकेको र प्रहरीले अनुसन्धान गरिरहेको जनाएको छ।

विभिन्न स्थानमा भएका सवारी दुर्घटनामा एक जनाको मृत्यु भएको छ भने ११ जना घाइते भएका छन्। मकवानपुरमा विद्युतीय गाडी ब्रेक फेल भएर दुर्घटना हुँदा ११ जना घाइते भएका छन्। सुनसरीमा अत्यधिक गतिका कारण अनियन्त्रित भई स्कुटर दुर्घटना हुँदा एक जनाको मृत्यु भएको छ।