5 स्रोत · 5 समाचार

सुरु 2 दिन अघि · अपडेट 2 दिन अघि

मुस्ताङका उच्च लेकमा यार्सागुम्बा सङ्कलन सुरु

Photo · www.makalukhabar.com

मुस्ताङ जिल्लाका पाँचमध्ये चार स्थानीय तहका उच्च लेकमा औषधीय गुण भएको बहुमूल्य जडीबुटी यार्सागुम्बा सङ्कलन सुरु भएको छ । राष्ट्रिय प्रकृति संरक्षण कोष, अन्नपूर्ण संरक्षण क्षेत्र आयोजना (एक्याप) जोमसोम र लोमान्थाङको कार्यक्षेत्रमा पर्ने उच्च लेकहरूमा धमाधम यार्सा सङ्कलन भइरहेको छ ।

• समुद्री सतहको चार हजार मिटरभन्दा बढी उचाइमा पाइने यार्सा सङ्कलनका लागि स्थानीय र जिल्ला बाहिरका मानिसले सम्बन्धित संरक्षण क्षेत्र व्यवस्थापन समिति (सिएमसी) बाट शुल्क तिरेर अनुमतिपत्र लिएका छन् ।
• थासाङ गाउँपालिकाको कुञ्जो, कोवाङ, टुकुचेलगायतका संरक्षण व्यवस्थापन समितिले वैशाख २ गतेदेखि यार्सा सङ्कलन फुकुवा गरेका हुन् ।
• घरपझोङ गाउँपालिकास्थित जोमसोम संरक्षण व्यवस्थापन समितिले वैशाख २५ गतेदेखि छत्रबाङ लेकदेखि कुङ्ले लेकसम्मको क्षेत्रमा यार्सा सङ्कलन फुकुवा गरेको छ ।
• जोमसोम समितिले स्थानीयलाई चार हजार र स्थानीयको घर खेत अधिया कमाएर बसेका व्यक्तिहरूलाई छ हजार शुल्क लिई यार्सा सङ्कलन गर्न अनुमतिपत्र दिने गरेको छ ।
• हालसम्म जोमसोम समितिअन्तर्गत ६५ जनाले अनुमति लिएका छन् ।