Photo · www.dcnepal.com
अमेरिकाको इडाहो राज्यमा आयोजित एक हवाई प्रदर्शनीका क्रममा अमेरिकी नौसेनाका दुईवटा अत्याधुनिक लडाकु विमान आकाशमै ठोक्किएर दुर्घटनाग्रस्त भएका छन्। माउन्टेन होम एयर फोर्स बेसमा सञ्चालन भइरहेको ‘गनफाइटर स्काइज एयर सो’ को प्रदर्शनका क्रममा भएकाे दुर्घटनामा विमानमा सवार चालक दलका चारै सदस्य प्यारासुटमार्फत सुरक्षित रूपमा बाहिर निस्कन सफल भएका छन्। दुर्घटनाको कारणबारे अमेरिकी वायुसेना र नौसेनाले संयुक्त रूपमा अनुसन्धान सुरु गरेका छन्।
भारदहमा करेन्ट लागेर एक किसानको मृत्यु, प्रहरीले अनुसन्धान थाल्यो
सप्तरीको भारदहमा केरा बगानमा धानको बीउ छर्नका लागि विद्युतीय मोटरबाट पानी पठाउन तार जडान गर्ने क्रममा करेन्ट लागेर स्थानीय ४८ वर्षीय सहदेव लौगीको मृत्यु भएको छ। प्रहरी निरीक्षक विजय कार्कीका अनुसार घटनाको अनुसन्धान भइरहेको छ।
सप्तरीको भारदहमा करेन्ट लागेर किसान सहदेव लौगीको मृत्यु
सप्तरीको हनुमाननगर कंकालिनी नगरपालिका–१, भारदहमा केरा बगानमा धानको बीउ छर्नका लागि विद्युतीय मोटरबाट पानी पठाउन तार जडान गर्ने क्रममा करेन्ट लागेर स्थानीय किसान सहदेव लौगीको मृत्यु भएको छ। जिल्ला प्रहरी कार्यालयका प्रहरी निरीक्षक विजय कार्कीले घटनाको पुष्टि गर्दै घटनाबारे अनुसन्धान भइरहेको जानकारी दिएका छन्।
अफगानिस्तानमा ट्रक दुर्घटना: पाकिस्तानबाट फर्किरहेका १८ जनाको मृत्यु
पूर्वी अफगानिस्तानमा शनिबार ट्रक पल्टिँदा पाकिस्तानबाट फर्किरहेका अफगान परिवारका १० बालबालिकासहित १८ जनाको मृत्यु भएको छ। लगमान प्रान्तका गभर्नरका प्रवक्ता अब्दुल मलिक नियाजयका अनुसार दुर्घटनामा २९ जना घाइते भएका छन्। पाकिस्तानले अफगान आप्रवासी र शरणार्थीहरूविरुद्ध कडा नियम लागू गरेपछि स्वदेश फर्किनेको संख्या बढेको छ।
सशस्त्र प्रहरीद्वारा कञ्चनपुरमा बाढीमा फसेका २० महिलाको सकुशल उद्धार
कञ्चनपुरको पुनर्वास क्षेत्रमा दोदा नदी र बाहुन खोलामा आएको आकस्मिक बाढीमा फसेका २० जना महिलालाई सशस्त्र प्रहरी बलले सकुशल उद्धार गरेको छ। पुनर्वास नगरपालिका-९ मा निउरो टिप्न गएका पाँच महिला दोदा नदीमा र दाउराघाँस गर्न गएका १५ महिला बाहुन खोलामा पानीको बहाव बढेपछि अलपत्र परेका थिए। सशस्त्र प्रहरीको विपद् व्यवस्थापन तालिम प्राप्त टोलीले स्थानीय प्रहरी, जनप्रतिनिधि र स्थानीयवासीको सहयोगमा उनीहरूको उद्धार गरेको हो।
