Photo · pradeskhabar.com
सङ्खुवासभाको धर्मदेवी नगरपालिका–१ पाँचखाल तामाङ टोलमा गए राति स्थानीय राजु तामाङको घरमा आगलागी हुँदा करिब चार लाख बराबरको धनमालको क्षति भएको छ। जिल्ला प्रहरी कार्यालयका अनुसार आगलागीबाट ढुङ्गा, माटो र काठले बनेको एक तले घर पूर्ण रूपमा नष्ट भएको छ। प्रहरी टोली र स्थानीयवासीको सहयोगमा आगो नियन्त्रणमा लिइएको थियो।
तनहुँमा बसको ठक्करबाट पैदलयात्रीको मृत्यु, प्रहरीद्वारा अनुसन्धान जारी
तनहुँको म्याग्दे गाउँपालिका–१ गुणादीस्थित पृथ्वीराजमार्गमा पर्यटक बसको ठक्करबाट ७८ वर्षीय सम्मरबहादुर रानाभाटको मृत्यु भएको छ । पोखराबाट काठमाडौँतर्फ जाँदै गरेको बसले बाटो क्रस गर्ने क्रममा रानाभाटलाई ठक्कर दिएको थियो । दुर्घटनामा संलग्न बस र चालकलाई प्रहरीले नियन्त्रणमा लिएको छ र घटनाबारे थप अनुसन्धान भइरहेको छ ।
सप्तरीमा करेन्ट लागेर किसान सहदेव लौगीको मृत्यु, अनुसन्धान जारी
सप्तरीको हनुमाननगर कङ्कालिनी नगरपालिका-१, भारदहमा केरा बगानमा धानको बीउ छर्नका लागि विद्युतीय मोटरबाट पानी पठाउन तार जडान गर्ने क्रममा करेन्ट लागेर स्थानीय किसान सहदेव लौगीको मृत्यु भएको छ। प्रहरीले घटनाबारे अनुसन्धान गरिरहेको छ।
महाकाली नदीमा डुबेर एक जनाको मृत्यु
कञ्चनपुरको दोधारा चादँनीमा महाकाली नदीमा माछा मार्ने क्रममा डुबेर ६३ वर्षीय टोपबहादुर थापामगरको मृत्यु भएको छ। इलाका प्रहरी कार्यालय दोधारा चादँनीले घटनाको पुष्टि गर्दै शव आफन्तको जिम्मा लगाइने प्रक्रिया भइरहेको जनाएको छ।
तनहुँमा बसको ठक्करबाट पैदलयात्रीको मृत्यु, चालक नियन्त्रणमा
तनहुँको म्याग्दे गाउँपालिका–१ गुणादीस्थित पृथ्वीराजमार्गमा पर्यटक बसको ठक्करबाट ७८ वर्षीय सम्मरबहादुर रानाभाटको मृत्यु भएको छ। पोखराबाट काठमाडौंतर्फ जाँदै गरेको बसले बाटो क्रस गर्ने क्रममा रानाभाटलाई ठक्कर दिएको थियो। दुर्घटनामा संलग्न बस र चालकलाई प्रहरीले नियन्त्रणमा लिएको छ।
