कोलकाताद्वारा मुम्बई ४ विकेटले पराजित, प्लेअफ दौड रोमाञ्चक

इन्डियन प्रिमियर लिग (आईपीएल) अन्तर्गत बुधबार भएको खेलमा कोलकाता नाइट राइडर्सले मुम्बई इन्डियन्सलाई ४ विकेटले पराजित गर्दै प्लेअफको सम्भावना जीवितै राखेको छ । यो जितसँगै १३ खेलबाट १३ अंक जोडेको कोलकाता अंक तालिकाको चौथो स्थानका लागि बलियो संघर्षमा देखिएको छ । मुम्बईले दिएको १४८ रनको सामान्य लक्ष्य कोलकाताले १८.५ ओभरमा ६ विकेट गुमाउँदै पूरा गर्‍यो ।