नेपाल सरकारको चीनमा खानी विस्फोटको घटनाप्रति दुख व्यक्त

नेपाल सरकारले चीनको शान्सी क्षेत्रमा भएको दुःखद खानी दुर्घटनामा धेरै जनाले ज्यान गुमाएको खबरले अत्यन्त दुःखी बनाएको बताएको छ । दिवंगतप्रति हार्दिक श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना व्यक्त गरिएको छ । हराइरहेका व्यक्तिहरूको सकुशल उद्धार होस् भन्ने प्रार्थना गर्दै यस कठिन घडीमा नेपाल चीनसँग ऐक्यबद्ध रहेको जनाएको छ ।