गणतन्त्रमा अब सुशासन

नेपालमा गणतन्त्र स्थापनाको दुई दशक पूरा हुँदै गर्दा लुम्बिनी प्रदेशका नागरिकले राजनीतिक परिवर्तनसँगै जनचेतना, अधिकार र विकासमा उल्लेख्य सुधार आएको अनुभूति गरेका छन्। स्थानीय सरकार आएपछि आमनागरिकका सरोकारका विषयमा कार्यक्रम सञ्चालन हुने प्रचलन सुरु भएको छ र गाउँमा सिंहदरबार पुगेको छ। यद्यपि, सुशासन, रोजगारी र सेवा प्रवाहमा अझै सुधार आवश्यक रहेको नागरिकको भनाइ छ।