‘३० हजार मेगावाट विद्युत् उत्पादन गर्ने लक्ष्यसहित बजेट निर्माण भइरहेको छ’ : सचिव दवाडी

prasashan.com · 1 हप्ता अघि

ऊर्जा, जलस्रोत तथा सिँचाइ मन्त्रालयले सन् २०३५ सम्म ३० हजार मेगावाट विद्युत् उत्पादन गर्ने राष्ट्रिय लक्ष्यलाई समर्थन पुग्नेगरी आगामी बजेट तथा कार्यक्रम निर्माण कार्य अघि बढाइएको जनाएको छ। राष्ट्रिय सभा अन्तर्गत विकास, आर्थिक मामिला तथा सुशासन समितिमा प्रस्तुत जानकारीमा मन्त्रालयकी सचिव सरिता दवाडीले दीर्घकालीन ऊर्जा लक्ष्य हासिल गर्न बजेट संरचना सोही अनुसार समायोजन भइरहेको बताइन्। उनका अनुसार जलाशययुक्त तथा नदी प्रवाहमा आधारित (रन-अफ-रिभर) दुवै प्रकारका आयोजनालाई समानान्तर रूपमा अघि बढाउने नीति अवलम्बन गरिएको छ।