नेपाल बुद्धिचाल महासङ्घका अध्यक्ष र महासचिवविरुद्ध अविश्वास प्रस्ताव

नेपाल बुद्धिचाल महासङ्घका अध्यक्ष हेराकाजी महर्जन र महासचिव धरमबहादुर लामाविरुद्ध अविश्वास प्रस्ताव दर्ता भएको छ। वरिष्ठ उपाध्यक्ष दीपेन राई नेतृत्वको असन्तुष्ट पक्षले मङ्गलवार पत्रकार सम्मेलनमार्फत सो जानकारी दिएको हो। महासङ्घको ११८ सदस्यीय साधारण सभाका सदस्यमध्ये ४२ जनाले अध्यक्ष र महासचिवविरुद्ध अविश्वास प्रस्ताव दर्ता गराएका हुन्।