सिन्धुली

सिन्धुलीको इलाका प्रहरी कार्यालय खुर्कोटको हिरासत कक्षमा थुनुवा श्रीकृष्ण विकको मृत्यु भएको घटनामा प्रहरी उपरीक्षकदेखि प्रहरी जवानसम्म १० जनालाई कारबाहीको सिफारिस गरिएको छ। प्रहरी नायब महानिरीक्षक दिनेशकुमार आचार्य नेतृत्वको छानबिन समितिले हिरासत व्यवस्थापन र निगरानीमा कमजोरी देखिएको निष्कर्ष निकाल्दै प्रतिवेदन बुझाएको छ।

सिन्धुलीको इलाका प्रहरी कार्यालय खुर्कोटको हिरासतमा थुनुवा श्रीकृष्ण विकको मृत्यु भएको घटनामा प्रहरी उपरीक्षक लालध्वज सुवेदीसहित १० प्रहरी कर्मचारीलाई कारबाही गर्न प्रहरी नायब महानिरीक्षक दिनेशकुमार आचार्य नेतृत्वको छानबिन समितिले सिफारिस गरेको छ। समितिले विभिन्न तहका प्रहरीलाई सचेत गराउने, ध्यानाकर्षण गराउने, चेतावनीसहित जिम्मेवारीबाट अलग गर्ने, नसिहत दिने र ग्रेड घटुवा गर्नेजस्ता कारबाहीको प्रस्ताव गरेको छ।

राष्ट्रिय स्वतन्त्र पार्टीका सांसद आशिष गजुरेलले पानीजन्य जोखिममा बर्सेनि धेरै युवा र बालबालिकाको ज्यान जाने गरेको भन्दै सचेतनाका कार्यक्रम बढाउन र सुरक्षा व्यवस्था सुदृढ गर्न सरकारसँग आग्रह गरेका छन्। नेपाल प्रहरीको तथ्यांकअनुसार बर्सेनि करिब ४०० जनाको पानीमा डुबेर मृत्यु हुने गरेको छ भने विश्व स्वास्थ्य संगठनको अनुमानमा यो संख्या १५०० सम्म पुग्न सक्ने उनले बताए।

प्रहरीले काँक्रोभित्र लुकाएर लागुऔषध हेरोइन तस्करी गर्ने नयाँ शैली फेला पारेको छ। झापाबाट काठमाडौं आउँदै गरेको माइक्रो बसमा १०० ग्रामभन्दा बढी खैरो हेरोइनसहित सोलुखुम्बुका विक्रम श्रेष्ठलाई सिन्धुलीको बीपी राजमार्गबाट प्रहरीले नियन्त्रणमा लिएको हो। प्रहरीका अनुसार तस्करले सुरक्षा निकायलाई भ्रममा पार्न काँक्रोको भित्री भागमा प्वाल पारेर लागुऔषध लुकाएको पाइएको छ।

सिन्धुलीको सुनकोशी गाउँपालिका–५ सित्खास्थित सुनकोशी नदीबाट छुट्टिएको भंगालोमा डुबेर दुई बालकको मृत्यु भएको छ। मृत्यु हुनेमा ९ वर्षीय सफल पुलामी मगर र १० वर्षीय युकेस विक रहेका छन्। प्रहरीका अनुसार दुवै बालक नुहाउने क्रममा बेपत्ता भएका थिए र खोजतलासका क्रममा उनीहरूको शव नदी किनारमा फेला परेको हो।

सिन्धुलीको सुनकोसी गाउँपालिकामा आइतबार दिउँसो पौडी खेल्ने क्रममा सुनकोसी नदीमा डुबेर दुई बालकको मृत्यु भएको छ। सफल पुलामी र उकेश विकको मृत्यु भएको हो। स्थानीय जनप्रतिनिधि, प्रहरी र सशस्त्र प्रहरीको गोताखोर टोलीले खोजी गर्दा दुवै बालकको शव फेला परेको प्रहरीले जनाएको छ।

सर्लाहीको वाग्मती नदीमा पौडी खेल्ने क्रममा बेपत्ता भएका पाँच युवामध्ये दुई जनाको शव फेला परेको छ भने तीन जना सकुशल भेटिएका छन्। शनिबार दिउँसो रौतहट र सिन्धुलीको सिमानामा पर्ने झपडी झोलुंगे पुलमुनिबाट नदी तर्ने क्रममा उनीहरू बेपत्ता भएका थिए।